Ärdoğan - Ramafosa söyläşüe

 Törkiyä ilbaşı Räcäp Tayyip Ärdoğan Kön’yaq Afrika Cömhüriyäte ilbaşı Siril Ramafosa belän telefonnan söyläşte.

Söyläşüdä İzrailneň Fälästingä höcümnäre, Törkiyä belän Kön’yaq Afrika Cömhüriyäte arasındağı ike yaqlı mönäsäbätlär, regional’ häm global’ mäs’älälär qaraldı.

İlbaşı Ärdoğan söyläşü barışında Kön’yaq Afrikanıň BMOnıň Xalıqara mäxkämäsendä Fälästin xalqına êşlängän genoŝid cinayäten cäzağa tartu öçen İzrailgä qarşı açqan däğ’wadan qanäğat’ buluın äytte.

Ärdoğan Törkiyäneň bu xaqlı däğ’wanı xalıqara xoquq häm keşe xoquqları nigezendä tämamlaw häm keşelekkä qarşı cinayät’ qılğan İzrailneň tiyeşle cäza aluın täêmin itü öçen bar köçenä tırışaçağın assızıqladı.