Törkiyädä iminlek sammitı uzdı
Anı ilbaşı Räcäp Tayyip Ärdoğan citäkläde
Törkiyä ilbaşı Räcäp Tayyip Ärdoğan citäkçelegendä İstanbulda iminlek cıyılışı ütkärelde. Anda tışqı êşlär ministrı Xaqan Fidan, êçke êşlär ministrı Ali Yerlikaya, milli saqlanu ministrı Yaşar Gülär, ğomumştab citäkçese Mätin Gürak, milli küzläw oyışması başlığı İbrahim Qalın häm başqa wäqalätlelär qatnaştı.
Matbuğat öçen yabıq cıyılış yaqınça 1 säğat’ däwam itte. Şunnan soñ yasalğan belderüdä terrorçılıqqa qarşı köräştä täwäkällek yullaması citkerelde. “Törkiyä, nindi sıltaw yäisä säbäp belän bulsa da, kön’yaq çikläre buylap “Terroristan” tözelüenä berqayçan da röxsät itmäyäçäk” diyelä anda.
Ğıyraqnıñ tön’yağında “Pänçä-Kilit” xäräkäte töbägenä terrorçılar höcümendä 9 ğaskäri şähit buldı, 4se yaralandı. Cawap itep yasalğan hawa xäräkätläre näticäsendä soñğı 24säğat’tä 57 terrorçını täêsirsez xälgä kiterälär.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä