Fidan - Blinken oçraşuı

Törkiyä tışqı êşlär ministrı Xakan Fidan İstanbuldağı Vaxdettin sarayında AQŞ däwlät särqatibe Êntoni Blinken belän oçraştı.

Diplomatik çığanaqlardan alınğan mäğ’lümatlarğa qarağanda, oçraşu waqıtında ike yaqlı mönsäbätlär törle yaqlap söyläşelde.

Xaqan Fidan Törkiyäneň F-16 satıp alu proŝessın tämamlawnı kötüen äytte häm Şveŝiyäneň NATOğa kerü barışı turındağı soňğı qararnıň Törkiyä Böyek Millät Mäclesendä qabul iteläçägen citkerde.

Ministrlar Ğazzädäge keşelek faciğase turında da süz alıp bardılar.

Törkiyä ministrı İzrailneň köçäyä barğan agressiyäseneň böten töbäk öçen öçen qurqınıç tudıruın iskärtte, utnı tuqtatu iğ’lan itep Ğazzägä özleksez gumanitar yärdäm kürsätelergä tiyeşlegen assızıqladı häm ike däwlätle çişeleş turında söyläşülärne tiz arada başlarğa çaqırdı.

Xaqan Fidan Törkiyäneň Qara diñgezdä kiyerenkelek telämäwen äytte, Rusiya häm Ukrainada citeşterelgän azıq-tölek produktlarınıň dön’ya bazarına qurqınıçsız ireşterü öçen Törkiyäneň zur tırışlıq başqaruın belderde.

Oçraşu waqıtında şulay uq Azärbaycan häm Ärmänstan arasındağı söyläşülär, Süriyä häm Ğıyraq kebek regional’ problemalar da söyläşelde.