DEAŞnıñ "finansçısı" êläkterelde
Törkiyädä qulğa alınğan terrorçı soraw aluda bik küp mäğ'lümat birä
Törkiyä milli küzläw oyışması terrorçı oyışma “DEAŞ”nıñ Dimäşqtağı atamannarınnan berse Xuzäyfä Äl-Murinı Märsindä oyıştırğan operaśiyädä êläkterde.
İminlek çığanaqlarınnan alınğan mäğ’lümatlarğa qarağanda, “Äyyüp” kod iseme astında êş itüçe älege terrorçı bäreleş töbäklärendäge DEAŞlılarğa finans yärdämnärne koordinaśiyälägän.
Murinı Törkiyä küzläw oyışması häm poliśiyä idaräse oyıştırğan operaśiyädä qulğa alalar. Anda, şulay uq, DEAŞ oyışmasınıñ 28 meñ 800 dollar, 14 meñ 950 yevro, 31 meñ 800 lira aqçası häm bik küp mäğ’lümati materialı qulğa töşerelä. Terrorçılarnıñ aqça küçerüdä qullanuçı mobil’ programmaları da açıqlana.
Xuzäyfä Äl-Muri soraw aluda oyışmağa kerü prośessı, Süriyä häm Törkiyädäge êşçänlekläre, üze belän êlemtädä toruçı DEAŞ äğ’zaları häm aqça äyläneşe turında centekle mäğ’lümat birgän.
