"Törkiyä belän Vengriya arasındağı kileşü faydalı bulır dip ömetlänäm”
Bu xaqta Törkiyä ilbaşı idaräseneň êlemtä bülege başlığı Fäxrettin Altun belderde
2078265
Törkiyä ilbaşı idaräseneň êlemtä bülege başlığı Fäxrettin Altun Törkiyä belän Vengriya arasında audiovizual’ säyäsät häm xökümät êlemtäse ölkäsendä xezmättäşlekne üsterüne maqsat itep quyğan kileşüneň faydalı buluın teläde.
Altun soŝial’ media akkauntında Vengriya tışqı êşlär häm tışqı säwdä ministrı Piter Sijarto belän kileşü memorandumına qul quyuların belderep bolay dip yazdı:
"Kileşü belän media häm êlemtä ölkäsendä ike il arasında mäğ’lümat häm täcribä urtaqlaşu, üzara fayda kitergän iniŝiativalar häm proyektlarda xezmättäşlek täêmin iteläçäk. Törkiyä belän Vengriya arasında audiovizual’ säyäsät häm xökümät êlemtäse ölkäsendä xezmättäşlekne üsterüne maqsat itep quyğan kileşü faydalı bulır dip ömetlänäm”.
