Ärdoğan Vengriyägä cıyına

Törkiyä ilbaşı Räcäp Tayyip Ärdoğan 18nçe dekabr’dä Vengriyägä säfär yasayaçaq. Älege vizit ike il arasında 1nçe Bötendön’ya suğışınnan soñ özelgän diplomatik mönäsäbätlärne yañadan tözü öçen imzalanğan Duslıq kileşüeneñ 100 yıllığına turı kilä.

Säfär qısalarında ikeyaqlı säyäsi, diplomatik häm iq’tisadi mönäsäbätlärgä bäyä birü küzallana.

Ärdoğan Vengriyä däwlät başlığı Katalin Novak häm xökümät räise Viktor Orban belän oçraşaçaq. Kön üzägendä Törkiyäneñ Awrupa Berlege belän mönäsäbätlärennän başlap Ğazzädäge soñğı wäzğıyät’kä qadär maddälär bar. Älbättä, alarnıñ berse - Törkiyä belän Vengriyäneñ iq’tisadi häm säyäsi xezmättäşlege bulaçaq. Bu maqsattan Yuğarı däräcäle strategik şura cıyılışı planlaştırıla.