PKK atamanınıñ saqçısı yuq itelde

Separatist terrorçı oyışma "PKK"nıñ atamanı Murat Qarayılannıñ saqçısı bulğan Yunus Aras täêsirsez xälgä kiterelde. Törkiyä êçke êşlär ministrı Ali Yärlikaya bu xaqta sośial’ mediada yazdı.

4nçe dekabr’dä 2 terrorçı Mardin qırlarında täêsirsez xälgä kiterelgän ide. Ul çaqta berseneñ kem ikänen açıqlıy almadılar. DNK testı yasalğannan soñ anıñ terrorçı Yunus Aras buluı bilgelände. Ul 2019nçı yılda Ğıyraqnıñ tön’yağında PKKnıñ atamannarınnan berse - Murat Qarayılannıñ saqçısı bula. Terrorçı, monnan tış, 4 iminlek xezmätkäre ülgän, 15e yaralanğan terrorçı ğamällärendä qatnaşa.

Ministr Yärlikaya operaśiyäne başqarğan törkemnärne täbrik itte.