"Kürelgän çaralarnıň uňay täêsirläre bazarda sizelä"

 Törkiyä ilbaşı Räcäp Tayyip Ärdoğan başqala Änkarada däwlät su êşläre idaräse tarafınnan tämamlanğan 369 qorılmanı kümäk açu tantanasında çığış yasadı.

Ul üz çığışında kürelgän çaralarnıň uňay täêsirläreneň bazarda sizelüen äytep uzdı.

”Oktyabr’ ayına qağılışlı êş köçe statistikası -  bezneň döres yulda barubız bilgese. Oktyabr’ ayında êşsezlek küläme uzğan ay belän çağıştırğanda yartı ballğa kimede häm 8,30% täşkil itte. Êş belän täêmin itelüçelär sanı oktyabr’dä  annan êlekke ayğa qarağanda 246 meňgä artıp 31 million 835 meň keşegä citte. Mondıy kürsätkeçlär belän bez 2012 nçe yılnıň noyabrennän birle iň tübän däräcägä ireştek” ,- dide ilbaşı Ärdoğan. 

Ul Törkiyäneň üseş häm êksport yağınnan bik yaxşı urında toruın asszıqlap:”Kürelgän çaralarnıň uňay täêsirläre bazarda sizelä. Kiläse aylarda bezne küpkä yaxşıraq kürsätkeçlär kötä”,- dide.