Törkiyä Äl-Fahura mäktäbenä höcümne ğayepläde

Törkiyä İzrailneñ Ğazzädä Berlӓşkӓn Millӓtlӓr Oyışmasına bäyle Äl-Fahura mäktäbenä oyıştırğan höcümne ğayepläde.

Tışqı êşlär ministrlığınnan yasalğan açıqlawda İzrailneñ Ğazzädä urnaşqan häm Berlӓşkӓn Millӓtlӓr Oyışmasınıñ Fälästinle qaçaqlarğa yärdäm agentlığınä bäyle bulğan Äl-Fahura mäktäbenä oyıştırğan häm distälärçä ğayepsez balalar üterelgän höcümneñ iñ qırıs räweştä ğayeplänüe citkerelä.

Açıqlawda bolay diyelä: “Bu höcüm - Ğazzädä tınıç xalıq häm ayıruça da balalarnıñ belä torıp häm insafsız räweştä maqsat itep alınuınıñ ikençe dälile. Ğazzädä soñğı 5 atnada İzrail qullarınnan ülgän xatın-qız häm balalarnıñ sanı keşelek öçen oyat bulıp tora. İzrailneñ bu awır cinayät’lär belän xoquq häm barlıq qıymmätlärne taptawına xalıqara cämäğat’çelek monnan soñ tawışsız qalırğa tiyeş tügel. Keşelek tarixına xäzerdän ük qara tap bulıp kerep qalğan bu küpläp üterülärdän cawaplı keşelär barlıqqa kitergän qayğı-xäsrät öçen mäxkämä aldında cawap biräçäk. Ğazzädä şunduq şart quyılmıyça häm daimi utnı tuqtatunıñ iğlan itelüe şart bulıp tora. Xalıqara cämäğat’çelekneñ här vöcdanlı äğzasen kiräkle adımnarnı yasarğa çaqırabız.”

İzrail armiyase Ğazzäneñ tön’yağındağı Cibaliya qaçaqlar lagerendä urnaşqan, Berlӓşkӓn Millӓtlӓr Oyışmasınıñ Fälästinle qaçaqlarğa yärdäm agentlığınä bäyle bulğan häm şaqtıy keşe sıyınğan Äl-Fahura mäktäbe belän Beyt Lahiya bistäsendäge Tel äz-Zater mäktäben bombağa tottı.

Höcümnärdä küp keşeneñ ülüe häm yaralanuı xäbär itelä.

Mäktäp koridorlarında qalğan mäyetlärne çığara almawları äytelä.