Awıru balalarnı Törkiyägä alıp kiläçäklär

Törkiyä sälamätlek saqlaw ministrı Faxrettin Koca Törkiyä Böyek Millät Mäclesendä çığış yasap, Fälästindä däwalana almawçı yaman şeş awırularınıñ Törkiyägä kitereläçägen äytte.

Ministr Koca İzrail sälamätlek saqlaw ministrı belän söyläşüen, üzenä qırıslıqnıñ qabul itelmäslek buluın ap-açıq räweştä citkerüen açıqladı.

“Törkiyä-Fälästin xastaxanäse bulğan “Duslıq”nıñ Ğazzädä yaman şeş belän köräşüçelärne däwalawçı berdänber sırxauxanä buluın, monnan soñ xezmät kürsätä almawın äyttem,” – dide ministr.

Ğayepsez balalarnı däwalawnı däwam itterü mäs’äläsendäge cawaplılıqnı xäterlätüen äytkän törek ministrı bolay dide: “Balalar belän ber rättän awırularnı Misırğa aşığıç yärdäm maşinalarında kitertü häm annan aşığıç boralaqlar belän Törkiyägä kiterep, däwalaw öçen äzer buluıbıznı açıqladım. Ozaqlamıy yaman şeş belän awıruçı balalarnı Törkiyägä kiterä başlıybız.”

Faxrettin Koca şulay uq bügen yulğa çığaçaq köymä belän daru, mediŝina caylanması, 8 qır xastaxanäse, 20 aşığıç yärdäm maşinası häm mediŝina materialların da kertep, yaqınça 500 tonnalık yärdämne töbäkkä ireşteräçäklären äytte.