"Terror oyaların yuq itüne däwam itäbez"
Törkiyä êçke êşlär ministrı ”Qaharmannar operaśiyäse” ütkärelüen şundıy süzlär belän citkerde
Törkiyädä ”Qaharmannar operaśiyäse” qısalarında “PKK” separatist terror oyışmasınıñ 21 mäğarä häm sıyınu urını yuqqa çığarıldı, küp sanda qoral, azıq-tölek, suğış kiräk-yarağı, mediśina materialları häm oyşma dokumentları qulğa töşerelde.
Bu xaqta Törkiyä êçke êşlär ministrı Ali Yärlikaya üzeneñ sośial’ media akkauntında xäbär itte.
Ministr äytüençä, operaśiya 8 vilayät’tä 18 meñ 500 jandarm belän uzdı, anda terrorçılar qış aylarında sıyınu öçen äzerlägän mäğarälär yuq itelde.
"Terror oyaların yuq itüne däwam itäbez" dip äytüçe Yärlikaya operaśiyälärdä jandarm qorallı pilotsız oçu apparatları häm “Atak” boralaqlarınıñ da qatnaşuın belderde.
Törkiyä êçke êşlär ministrı Ali Yärlikaya soñğı terrorçı täêsirsez xälgä kiterelgänçe köräşneñ qatğıy räweştä däwam itäçägen assızıqladı.
