Ärdoğan Franśiya ilbaşı belän telefonnan söyläşte

Törkiyä ilbaşı Räcäp Tayyip Ärdoğan Franśiya ilbaşı Êmmanuêl’ Makron belän telefonnan söyläşte.

İlbaşı idaräseneñ êlemtä bülege xäbär itkänçä, söyläşüdä İzrail - Fälästin nizağı qısasında töbäktäge gumanitar xäl, tınıçlıq urnaştıru tırışlıqları häm bu yünäleştä yasalaçaq adımnar qaraldı.

Ärdoğan söyläşü barışında Ğazzädä tınıç xalıqqa qarata keşe xoquqların bozu belän kileşep bulmawın äytte.

İlbaşı Törkiyäneñ alarğa yärdäm kürsätü öçen bar köçen quyaçağın belderde, ayıruça Könbatış illäreneñ kiyerenkelekne kimetüçe adımnar yasarğa tiyeşlegen assızıqladı.

İlbaşı Ärdoğan xalıqara cämäğat’çelekneñ problemanı xäl itü öçen Törkiyäneñ ike däwlätle çişeleş nigezendäge täq’dimnären tıñlarğa tiyeşlegen häm ixlas küñeldän êş itkändä töbäkne dä,  dön’yanı da tınıçlandıra, ciñeläytä torğan çişeleş tabıla alaçağın iskärtte.