Ğıyraq saqlanu ministrı Törkiyädä
Törkiyä Milli saqlanu ministrı Yaşar Gülär belän Ğıyraq Saqlanu ministrı Thabit Mohammäd Al Abbasi xärbi häm saqlanu sänäğäte xezmättäşlege mäs’älälären söyläşte
Gülär qunağı bularaq Törkiyägä räsmi säfär belän kilgän Ğıyraqlı wazıyfadaşın başqala Änkarada Milli saqlanu ministrlığında xärbi tantana belän qarşı aldı.
İke ministr tantanadan soñ başta üzara küreşep söyläşte, annan soñ wäkilleklärara söyläşülärne citäkläde.
İke yaqlı, regional’ xärbi häm saqlanu sänäğäte ölkäsendä xezmättäşlek mäs’äläläre quzğatılğan söyläşü waqıtında ministr Gülär köçle tarixi häm ictimağıy (социаль) bağlanışları bulğan Ğiraq (Гыйрак) belän Törkiyäneñ ber ük geografiyädä urnaşqan qardäş häm kürşe ike il buluına basım yasadı, terrorçılıqqa qarşı köräş häm çik buyı iminlege belän ber rättän yasala alınaçaq urtaq adımnar belän xezmättäşlekne alğa taba üsterüneñ ähämiyäten bilgeläp uzdı.
Abbasine Törkiyädä qunaq itüdän şat buluın äytüçe Gülär uzğan ayda Musuldağı yanğında häläq buluçılar belän bäyle bularaq qunaq ministr aşa Ğıyraq xalqınıñ qayğısın urtaqlaştı.
