Törkiyäneñ bulışlığı belän Süriyägä radioterapiya cihazı cibärelde
Berläşkän Millätlär Oyışması Törkiyäneñ yärdäme belän Süriyäneñ tön’yaq-könbatışına berençe radioterapiya cihazınıñ cibärelüen belderde
BMO Humanitar êşlär koordinaśiya (координация) ofisı mäs’älä belän bäyle yazmaça belderü yasadı.
Belderüdä, monıñ Süriyäneñ tön’yaq-könbatışında yaman şeştän däwalanu öçen “bik zur adım” buluına basım yasalıp, töbäktä radioterapiya seansları öçen mömkinlek bulmawı, Süriyäle yaman şeş awırularınıñ Törkiyägä cibärelüe iskärtelep uzıldı.
"Süriyäneñ tön’yaq-könbatışına berençe radioterapiya cihazı cibärelde. Bu BMO urtaqları häm törek xökümäteneñ bulışlığı belän tormışqa aştı”, - dip äytelgän belderüdä cihaznıñ könenä 40 radioterapiya seansın ütkärü sälätenä iyä buluı citkerelde.
Belderüdä cihaznıñ Afrindağı iñ zur xastaxanägä urnaştırıluı häm montajlaw êşläre tämamlanğannan soñ töbäktäge yaman şeş belän awıruçılarnıñ öçtä bersen däwalıy alaçağı iskärtelep uzıldı.
Fevral’ ayındağı cirteträwlärdän soñ töbäktäge yaman şeş oçraqlarınıñ artuına iğ’tibar yünältelgän belderüdä tağın da kübräk yärdämgä ixtıyac buluına iğ’tibar yünältelde.
Belderüdä: "Törek sälamätlek saqlaw wazıyfalıları texniklar häm onkologlar belän bergä 1 yıl buyı cihaznıñ êşlätelüenä yärdäm itäçäk häm Süriyäle sälamätlek saqlawçıların öyrätäçäk”, - dip äytelde.
