Gülär Xäsänovqa şaltırattı

Törkiyä milli saqlanu ministrı Yaşar Gülär azärbaycanlı wazıyfadaşına telefonnan şaltırattı.

Bu xaqta Azärbaycan saqlanu ministrlığı xäbär itte.

Törkiyä milli saqlanu ministrı Yaşar Gülär Azärbaycan saqlanu ministrı Zakir Xäsänovnı Azärbaycan armiyäseneñ Qarabaxta terrorçılıqqa qarşı köräş operaśiyäsendäge uñışları uñayınnan täbrik itte.

Gülär operaśiyäneñ uñışlı tämamlanuı belän qotlap, Türkiyäneñ härwaqıttağıça bügen dä Azärbaycan yanında buluın assızıqladı.

Gülär operaśiyädä şähit bulğan ğaskärilär öçen qayğı urtaqlaştı, yaralanğan xärbilärneñ sälamätlänüen teläde.

Ministrlar şulay uq törle temalarğa fiker alıştılar.