Angliya ilçese: “Törkiyädä böten närsä bar”

Angliyanıñ Änkara tulı wäqalätle ilçese Jill Morris, soñğı waqıtlarda Törkiyägä kilgän ingliz turistlarınıñ artuı belän bäyle bularaq turizmnıñ törlelegenä işarät itep: “Törkiyädä böten närsä bar”, - dip äytte.

Urta diñgez häm Ägäy yarları buylap säyäxäte qısalarında İzmirdä, Aydında, Bodrumda, Marmarista, Muğlada häm Fäthiyädä bulğan Morris säyäxäteneñ soñğı tuqtalışı Antaliyada matbuğatqa belderü yasadı.

Törkiyä belän bäyle berençe täêsirate belän urtaqlaşuçı Morris törek qunaqçıllığınıñ iskitkeç buluın, ildä turistik êşçänlek törlelegeneñ bik küp buluın belderde.

Morris Törkiyäneñ çit ildän kilgän turistlarğa qoyaş, qom häm diñgez belän bergä bik küp mömkinlek täq’dim itüen iskärtep uzdı.

İldä urtaça klimatnıñ, törle diñgezlärneñ häm plyajlarnıñ buluı belän ber rättän "tarixi häm arxeologik mäydannarnıñ” da buluına iğ’tibarnı yünältüçe Morris Törkiyädäge mädäniyät turizmınıñ baylığına basım yasadı.

Morris, "Urta diñgez häm Ägäy yarları buylap säfäre waqıtında inglizlärneñ ni öçen Törkiyädä yal itüne bu qadär yaratuın kürüen” belderep: "Törkiyädä böten närsä bar”, - dide.

Morris, ingliz turistlarınıñ 46%ınıñ yal öçen Muğlağa kilüen bilgeläp, Antaliyanıñ da turistlar arasındağı populyarlığınıñ artuın äytte.

Morris Törkiyäneñ ingliz turistları tarafınnan könnän-kön tağın da kübräk saylap alınuın bilgeläp uzdı.

Törkiyägä 2022nçe yılda 3 million 800 meñnän kübräk kilgän Angliya turistları Rusiyä häm Germaniya turistlarınnan soñ ilgä iñ küp kilgän törkem buldı. Bu sannıñ yıl axırında 20%qa artıp 4 million yarımğa citüe kötelä.