Törkiyäneñ Afrika Berlegeneñ G20 daimi äğ’zase buluına qağılışlı belderüe

Törkiyä tışqı êşlär ministrlığınnan Hindstannıñ qabul itüendä Yaña Dählidä oyştırılğan G20 Liderlar sammitında qabul itelgän Afrika Berlegeneñ daimi äğ’za buluı” qararına qağılışlı belderü yasaldı.

Qararnıñ "zur qanäğätlelek belän” qarşılanuına basım yasalğan belderüdä: "Afrika Berlegeneñ strategik urtağı bularaq Törkiyä Afrikanıñ xalıqara platformalarda wäkillek itelüeneñ üsterelüe häm tawışınıñ işetelüe öçen qulınnan kilgänçä tırışlıq kürsätä”, - dip äytelde.

Belderüdä: "Bez baştan birle iñ köçle räweştä yaqlağan Afrika Berlegeneñ G20 daimi äğ’zalege xalıqara mönäsäbätlärdä êffektiv küpyaqlılıqnıñ östenlege cähätennän qıymmätle adım. Törkiyä Afrikanıñ xalıqara sistemada layıq bulğan urınğa citüe öçen yaqlawın däwam (дәвам) itteräçäk”, - dip bilgeläp uzıldı.

Hindstan Baş ministrı Narendra Modi başqala Yaña Dählidä 18nçese "Ber dönya, ber ğailä, ber kiläçäk" töp teması belän şimbä könne başlanğan G20 Liderlar sammitında äğ’za illärneñ Afrika Berlegenä daimi äğ’za statusınıñ birelüe mäs’äläsendä kileşüen beldergän ide.