Ärdoğannıñ G20 xalıqara matbuğat oçraşuı

İlbaşı Ärdoğan Hindstan başqalası Yaña Dählidä oyıştırılğan G20 Liderlar sammitı belän bäyle bularaq xalıqara matbuğat oçraşuında çığış yasadı.

Aşlıq mäs’äläsendä Rusiyäne çitläşterüçe barışnıñ däwam (дәвам) itelüe ixtimalınıñ bik tübän buluın belderüçe Ärdoğan: "Global’ azıq-tölek qurqınıçsızlığına öleş kertü öçen yaqın waqıtta Azıq-tölek qurqınıçsızlığı êş törkemen cıyaçaqbız”, - dip äytte.

Ärdoğan: "Qara diñgezdä tınıçlıqnı bozaçaq, töbäktä kiyırenkelekne arttıraçaq här törle adımnan tıyılıp torunıñ zarurlığın uylıym”, - dide.

İlbaşı Ärdoğan törle illärdä Qor’ängä qarşı höcümnär mäs’äläsendä isä: "Poliśiya (полиция) sağı astında Qor’än-ı Kärimneñ yandırıluı bik açıq provokaśiya (провокация), näfrät cinayäte. Berkem dä bezdän tawışsız qaluıbıznı kötmäsen. İlebezneñ täq’dimnäre häm tırışlığı belän izge kitaplarğa höcüm G20 beldergesendä dä gäyıplände”, - dip belderde.

Ärdoğan İslam doşmanlığı kübäygän böten illärneñ monnan arı tağın da täwäkkäl säyäsät alıp baruınıñ zarurlığına ışanuın iskärtep uzdı.

İlbaşı Ärdoğan Şveśiyanıñ (Швециянең) NATO äğ’zalege mäs’äläsendä isä: "Türkiyä Böyık Millät Mäclesendä mondıy qarar qabul itelmiçä minem “äye” dip äytüem mömkin tügel”, - dip äytte.

Çığışında Törkiyäneñ Awrupa Berlege äğ’zalegenä dä tuqtalıp uzuçı İlbaşı Ärdoğan: "Bezne 50 yıl buyı Awrupa Berlege äğ’zase illär gel waqıt uzdırdılar, bügen dä şuşılay. Waqıtıbıznı çitkä yünältsälär dä yünältmäsälär dä, Törkiyä Törkiyäder, bez yulıbızğa däwam (дәвам) itäbez”, - dide.