İlbaşı Ärdoğan Hindstanda
Törkiyä İlbaşı Räcäp Tayyip Ärdoğan bügen häm irtägä ütkärelüçe G-20 Liderlar sammitı öçen kitkän Hindstan başqalası Yaña Dählidä Hindstan Baş ministrı Narendra Modi tarafınnan räsmi tantana belän qarşı alındı
Modi Bharat Mandapam Xalıqara yärminkä häm kongress üzägendäge tantanada yuğarı däräcäle oçraşuda qatnaşqan başqa il liderların da ber-ber artlı qarşı alıp fotosürätkä töşte.
Ärdoğan belän bergä böten liderlar soñınnan tantana qısalarında "Liderlar mäydanı”nda cıyıldı.
Tantanadan soñ liderlar sammit utırışlarında qatnaşu öçen kongress üzägenä kerde.
İlbaşı Ärdoğan da "Ber dönya” teması belän oyıştırılğan könneñ berençe utırışında qatnaştı.
Şul uq waqıtta İlbaşı Ärdoğan Yaña Dählidä ike yaqlı söyläşülär dä ütkärä.
Bu qısada Ärdoğan Yaponiya Baş ministrı Kişida Fumionı qabul itte. Berläşkän Ğaräp Ämirlekläre İlbaşı Möxämmäd bin Zayid Al Nahyan belän küreşte.
Global’ iq’tisad citeşterüeneñ 85%ın häm dönya säwdäseneñ 75%ın wäkillek itüçe, dönya xalıq sanınıñ öçtä ikesen çolğap aluçı G20 illäreneñ liderları bıyılğı öç utırışlı cıyılışta kiñ qolaçlı global’ iq’tisad reformaların qarap çığaçaq.
