Xataynı torğızu däwam (дәвам) itä

Türkiyä (Төркия) ilbaşı Räcäp Tayyip Ärdoğan 6nçı fevral’dä bulğan cir teträwdä zıyan kürgän Xatayda tulayım 40 meñ 400 bäysez bülemneñ tözeleşe däwam (дәвам) itüen belderde. Ul Xatay şähären üzgärtep qoru proyektınıñ kümäk nigez salu tantanasında videokonferenśiyä yulı belän qatnaştı.

İlbaşı üz çığışında cir teträw waqıtında cimerelgän şähärlärne ayaqqa bastıru öçen nıqlı qararda buluların assızıqladı häm watandaşlarnıñ tiz arada daimi toraqlarğa küçenüläre öçen könne töngä yalğap êşläwlären äytte.

Ärdoğan küptän tügel Kaxramanmaraş häm Adıyamanda meñnärçä toraq yortqa nigez saluların xäterlätte häm şundıy uq söyeneçne Xataydağı xalıqnıñ da kiçerüen belderde. Älege töbäktä barlığı 254 meñ 195 yort cir teträwdän zarar kürde. Türkiyä ilbaşı bolay dip söyläde: “Xäzerge waqıtta Xatayda 32 meñ 600 yort, 7 meñ 800 awıl öye häm saqlağıçlarnı da kertep 40 meñ 400 bäysez bülemneñ tözeleşe däwam itä. Bügen alarğa yañaların östibez. Tulayım 5 meñ bäysez binanıñ nigezen salabız. Monıñ belän bergä Xataynıñ şähär mäydanı, üzäge tözeleşe öçen berençe qazular başlana”.

İlbaşı Xatay aêroportı proyektınıñ da tögällänüen häm tiz arada tözeleşenä kereşäçäklären äytte.