Ärdoğannı sentyabr’ ayında tığız diplomatiya xäräkäte kötä

Ärdoğannıñ berençe tuqtalışı Rusiyä bulaçaq.

Ärdoğan 4nçe sentyabrdä Rusiyäneñ Soçi qalasında Däwlät başlığı Vladimir Putin belän küreşep söyläşäçäk.

Ärdoğan belän Putin oçraşuınıñ iñ möhim kön tärtibe mäddäseneñ 17nçe iyül’dä Rusiyä çigengän Qara diñgez aşlıq koridorı kileşüe bulaçaq. İke lider kileşüneñ yañadan tormışqa aşırıluı öçen yasala alınaçaq adımnar belän bäyle bularaq fiker alışaçaq.

Rusiyä-Ukraina suğışındağı soñğı xällärgä dä tuqtalıp uzılaçaq söyläşü waqıtında ênergetika, säwdä, iq’tisad häm turizm belän bergä ike il arasındağı mönäsäbätlär dä quzğatılaçaq.

İlbaşı Ärdoğan bu ayda ike xalıqara yuğarı däräcäle oçraşuda Törkiyäne wäkillek itäçäk.

Ärdoğan G-20 Liderlar sammitında qatnaşu öçen 9nçı-10nçı sentyabr’dä Hindstan başqalası Yaña Dähligä baraçaq. İlbaşı Ärdoğannıñ "Ber dönya, ber ğailä, ber kiläçäk” teması belän oyıştırılğan yuğarı däräcäle oçraşuda global’ säwdäneñ üsterelüenä qağılışlı adımnar belän terrorçılıqqa qarşı köräştä xalıqara xezmättäşlek häm klimat üzgäreşläre mäs’älälärendä yullama yasawı kötelä.

İlbaşı Ärdoğan 17nçe-21nçe sentyabr’dä isä Amerika Quşma Ştatlarınıñ N’yu-York (Нью-Йорк) qalasında ütkäreläçäk Berläşkän Millätlär Oyışmasınıñ 78nçe ğomum şurasında (General’ assambleyasında) qatnaşaçaq.

BMO Ğomumi mäclesenä (General’ assambleyasına) möräcäğät itäçäk Ärdoğannıñ çığışında Rusiyä-Ukraina suğışı, Süriyä, Fälästin häm Tön’yaq Kipr Törek Cömhüriyäte belän bäyle soñğı täräqqıyätlär, terrorçılıq belän köräş, qaçaqlar (migrantlar) probleması, klimat üzgäreşläre belän köräş mäs’älälären telgä aluı küzdä totıla.

İlbaşı Ärdoğan G-20 Liderlar sammitı häm BMO Ğomum şurası qısalarında küp sanda däwlät häm xökümät başlığı belän ike yaqlı söyläşülär dä ütkäräçäk.