Törkiyä säwdä ministrı Ğıyraqta
Törkiyä belän Ğıyraq arasında urtaq säwdä külämeneñ arttırıluı häm kapital salunıñ nığıtıluı mäs’äläsendä kileşügä ireşelde
Ğıyraq säwdä ministrlığınıñ matbuğat ofisınnan yasalğan yazmaça belderügä kürä, Törkiyä säwdä ministrı Ömär Bolat häm Ğıyraq säwdä ministrı Atir äl-Giräyri başqala Bağdattağı Ministrlıq binasında oçraştı.
Ministrlar citäklägän wäkilleklärara cıyılışta ike yaqlı iq’tisad häm säwdä êlemtäläre belän investiśiyälärneñ (инвестицияләрнең) köçäytelüe häm bu ölkädäge kirtälärneñ beterelüe mäs’äläsendä kileşügä ireşelde.
Taraflar urtaq komissiyalarnıñ aktivlaştırıluı, imzalanğan kileşülärneñ tormışqa aşırıluı häm urtaq säwdä külämeneñ arttırıluı mäs’äläsendä dä kileşte.
Belderügä kürä, Ğıyraq ministrı Giräyri törek şirkätläreneñ Ğıyraqta sänäğät, podryadçılıq, xezmät häm başqa ölkälärgä köçle itep kerüeneñ zarurlığına basım yasadı.
Ministr Bolat ta Törkiyä belän Ğıyraq mönäsäbätlären säwdä häm kapital salu belän bergä böten ölkälärdä nığıtırğa teläwlären belderde.
Ministr Bolat “X" sośial (социаль) media platformasınnan yasağan belderüendä bolay dip äytte:
"Êş (Эш) dönyası wäkillärebez dä qatnaşqan cıyılışta 2022nçe yılda Törkiyä belän Ğıyraq arasındağı säwdä külämebezneñ rekord däräcägä citüennän, Ğıyraqta säwdä, kapital salu häm podryadçılıq tarmaqlarında lider il buludan şat buluıbıznı belderdek.
Säwdä külämebezne tağın da arttıruğa häm firmalarıbız oçraşqan problemalarnı çişügä yünältelgän planlaştırılğan êşçänlek alıp baru häm şäxsi tarmaqlarıbıznı tağın da yaqın dialogqa täşviq itü mäs’älälärendä kileştek".
Ministr Bolat ike yaqlı mönäsäbätlärdä ireşelgän tizlekneñ däwam (дәвам) itelüe öçen ike yaqlı säfärlärneñ kübäyteläçägen iskärtep uzdı.
Törkiyä säwdä ministrı Bolat kiçä Bağda'ta Ğıyraq Baş ministr urınbasarı häm planlaştıru ministrı Möxämmäd Tämim belän küreşkän ide.
