Riyadta öç yaqlı cıyılış uzdı

Törkiyä, Soğud Ğaräbstanı, Paqıstan Öç yaqlı komitetı berençe cıyılışın Soğud Ğaräbstanı başqalası Riyadta oyıştırdı.

Soğud Ğaräbstanınıñ Saqlanu ministrlığınnan mäs’älä belän bäyle yazmaça belderü yasaldı.

Belderügä kürä, saqlanu ölkäsendä xezmättäşlekne üsterü öçen oyıştırılğan cıyılışta Törkiyäneñ Milli saqlanu ministrı urınbasarı Cälal Sami Tüfäkçi, Soğud Ğaräbstanınıñ saqlanu ministr urınbasarı Talal ibn Abdullah ibn Türki äl-Utäybi häm Paqıstan qorallı köçlärennän general-polkovnik Möxämmäd Said qatnaştı.

Cıyılıştan soñ räsmi zatlar ike yaqlı maxsus êş törkemnären oyıştırdı.

Soğud Ğaräbstanı-Törkiyä êş törkeme cıyılışında saqlanu sänägäte ölkäsendäge xezmättäşlekkä qarağan êşçänlek barışı, texnologiya transferı häm milliläşterelüe belän fänni tikşerenülärneñ üsterelüe mäs’äläläre qaraldı.

Cıyılışta Utäybi häm Tüfäkçi belän ber rättän İlbaşı idaräseneñ saqlanu sänägäte başlığı Haluk Görgün dä qatnaştı.