Törkiyä-Ğıyraq ütkärgeçennän qabat neft’ qudırıla başlanaçaq

Törkiyä ênergetika häm tabiğıy çığanaqlar ministrlığınnan yasalğan belderüdä söyläşü waqıtında Törkiyä-Ğıyraq êşkärtelmägän neft’ ütkärgeçe belän bergä regional’ mäs’älälärneñ quzğatıluı belderelde.

Telgä alınğan ütkärgeçneñ ike il öçen möhim buluına işarät itelgän belderüdä 2023nçe yılnıñ 6nçı fevral’ könge cirteträwlärdän soñ ütkärelgän tikşerü, kontrol’ häm texnik xezmät êşçänlegennän soñ ütkärgeçtän neft’ qudırıluınıñ iñ qısqa waqıtta däwam (дәвам) itterelüeneñ zarurlığı citkerelde.

Belderüdä: "Ministrlar Törkiyä belän Ğıyraqnıñ neft’ häm gaz, gaz häm elektr bäyläneşe, yañartıla alınğan ênergiya häm ênergiya näticälelege ölkälärendä xezmättäşlekneñ tağın da üsterelüeneñ yulları turında fikerläre belän urtaqlaştı. Törkiyä-Ğıyraq qatnaş iq’tisad komissiyasınıñ räistäşläre bulğan ike ministr komissiyanıñ 19nçı cıyılışınıñ uñaylı bulğan iñ yaqın waqıtta Bağdatta ütkärelüenä qarar birde”, - dip äytelde.

Söyläşüdän soñ Bayraqtar häm Abdulgani Törkiyäneñ “Togg” avtomobile belän yörep aldılar.