Törek ğalimnäre ğalämdä üsemleklär üsteräçäk
Törkiyäneñ berençe keşele ğaläm wazıyfasında başqarılaçaq êksperiment belän ğaläm şartlarında üsemleklärneñ genetik manipulyaśiyäse (манипуляциясе) yasalaçaq
Ğaläm säyäxäte waqıtında kosmos yulçısı, universitet häm tikşerenü oyışmaları äzerlägän 13 törle täcribä yasalaçaq.
Täcribälärdän berse dä "Mikrotartım (микрогравитация) astında üsemleklärdä gennı köyläw näticälelegeneñ tikşerelüe” isemle êşçänlek.
Proyıkt belän molekulyar biologiyanıñ modern gen köyläw ısullarınnan berse bulğan bu texnikanıñ mikrotartım şartlarında üsemleklär östendäge näticälelegeneñ tikşerelüe, gen küçüe häm genetik manipulyaśiyäneñ (манипуляциянең) ğalämdä yasalıp-yasalmayaçağınıñ sınap qaraluı maqsat itelä.
Laboratoriya êşçänlegenä ağımdağı yılnıñ mart ayında başlanğan çirattağı êtabında berençe törek kosmos yulçısı belän cir tartımı bulmağan moxittağı täcribälär tormışqa aşırılaçaq.
Proyıktnı alıp baruçı, Yıldız texnik universitetı fän ädäbiyat fakul’tetı molekulyar biologiya häm genetika bülege doktorantı Tuğçä Cälayir: "Bu êşçänlektän son kiläçäktä azıq-tölek çığanağı bula alaçaq üsemleklär yasalma êkosistemanıñ buldırıluı häm şuşı êkosistema êçendä kislorod çığanağın täêmin itüe maqsatı belän dä qullanıla alınaçaq”, - dip äytte.
Törkiyäneñ keşe qatnaşuındağı berençe ğaläm wazıyfasınıñ 2023nçe yılnıñ soñğı çiregendä tormışqa aşırıluı planlaştırıla.
