Koca: “Törkiyä sälamätlek turizmınıñ üzägenä äylänä”
Sälamätlek saqlaw ministrı Fahrettin Koca Törkiyäneñ soñğı waqıtlarda sälamätlek turizmınıñ üzägenä äylänä başlawın belderde
Fahrettin Koca Üzbäkstanda ütkärelgän Törki däwlätlär oyışması sälamätlek saqlaw ministrları cıyılışı häm Törkiyä-Üzbäkstan 2nçe Sälamätlek saqlaw êş forumı açılışınnan soñ jurnalistlarğa belderü yasadı.
Sämärkandta çärşämbe könne başlanğan forumda bik aktiv qatnaşunıñ buluına basım yasawçı Koca: "Häm sälamätlek saqlaw turizmı, häm mediśina (медицина) cihazları tarmağında citeşterü, daru belän ber rättän mäğ’lümat sistemaları ölkäsendä ike yaqlı xezmättäşlek urnaştırılğan forum oyıştırıldı”, - dip äytte.
Koca, forumda ber meñgä yaqın qatnaşuçınıñ buluın citkerep, monnan soñğı çorda xezmättäşlekneñ däwam (дәвам) itelüe öçen söyläşülärneñ alıp barılaçağın belderde.
Sälamätlek saqlaw turizmınıñ möhimlegenä tuqtalıp uzuçı Koca: "Sälamätlek turizmında soñğı waqıtta Törkiyä üzäkkä äylänä başladı", - dip äytte.
Törki dönya aşığıç mediśina (медицина) qotqaru berämlegeneñ tormışqa aşırılaçağın äytüçe ministr Koca monıñ belän bäyle treninglarnıñ aldıbızdağı ayda Törkiyäneñ İzmir qalasında başlanaçağın belderde.
Koca Sälamätlek saqlaw êş forumnarınıñ başqa illärdä dä ütkäreläçägen, sentyabr’dä Angliya başqalası Londonda forumnıñ planlaştırıluın iskärtep uzdı.
Ministr Koca oçraşuları qısalarında Sälamätlek saqlaw êş forumı häm yärminkäsendä dä qatnaştı.
Forum qısalarında Törkiyä häm Üzbäkstan sälamätlek saqlaw oyışmaları arasında 10 protokol imzalandı.
