Yılmaz: “Türkiyä saqlanu sänäğätendä möhim urında”

İstanbul TÜYAP yärminkä häm kongress üzägendä oyıştırılğan 16nçı “IDEF-2023” Xalıqara saqlanu sänäğäte yärminkäseneñ açılış tantanasında çığış yasawçı Yılmaz, Türkiyäneñ saqlanu sänäğäte bazarında möhim citeşterüçe häm êksportçı torışına kütärelüen iskärtep uzdı.

 Yılmaz: "Törek saqlanu sänäğäte firmalarınıñ dönya bazarındağı öleşe häm köçe här uzğan kön tağın da arta. 2023nçe yılnıñ berençe 6 ayında êksport külämebez 2 milliard 400 million dollarğa citkän ide. 2023nçe yıl azağında bu sannıñ 6 milliard dollarğa citüen kötäbez", - dip äytte.

Yılmaz, sanap betermäslek saqlanu sänäğäte proyıktların “IDEF”tä kürgän çaqta ğorurlanuların citkerep, bügen 650 firma belän “IDEF”tä qatnaşqan şäxsi tarmaqnıñ yaña texnologiya kereşüläre belän dönyağa ürnäk proyıktlarnı tormışqa aşıruın kötülären iskärtep uzdı.

“IDEF 2023”tä ütkäreläçäk söyläşülärneñ, urnaştırılaçaq xezmättäşlekneñ häm qul quyılaçaq kileşülärneñ xäyırle buluın teläwçe Türkiyä Däwlät başlığı urınbasarı protokol äğ’zaläre häm çit il qunaqları belän bergä, tasmanı kisep, yärminkäne açıp cibärde, ğailä fotosürätenä töşte.