Türkiyä Qor’än-i Kärimne mısqıllawnı lägnätläde
Tışqı êşlär ministrlığı Şveŝiyadä Qor’än-i Kärimgä qarşı qabatlanuçı höcüm xaqında yazmaça açıqlaw yasadı
Türkiyä Ğıyraqnıñ Stokgol’mdağı ilçelege yanında Qor’än-i Kärimne maqsat itep alğan höcüme iñ köçle räweştä lägnätläde.
Tışqı êşlär ministrlığı Şveŝiyadä Qor’än-i Kärimgä qarşı qabatlanuçı höcüm xaqında yazmaça açıqlaw yasadı.
Açıqlawda Stokgol’mda 28 iyun’dä ber mäçet yanında Qor’än-i Kärimgä qarata başqarılğan çirqanıç höcümnän soñ BMO Keşe xoquqları şurasında 12 iyul’ könne qabul itelgän qarar belän Qor’än-i Kärimgä qarşı höcümnärneñ dini näfrät buluı xäterlätelde.
Açıqlawda bolay diyelä: “Türkiyäneñ mondıy höcümnär kürelgän illär belän İslamğa doşmanlıq, çit il keşelärenä doşmanlıq, rasaçılıq häm ayırıp qaraw ölkälärendä bergä êşlärgä äzer.”
Şveŝiyadä monnan alda da Qor’än-i Kärimne yandırğan çığışı belän Ğıyraqtan bulğan Salvan Momika kiçä 20 iyul’ könne Ğıyraqnıñ Stokgol’m ilçelege aldında Qor’än-i Kärim häm Ğıyraq bayrağın taptap, İslam dinen mısqılladı.
Momika 28 iyun’dä Qorban bäyrämeneñ berençe könendä Stokgol’m cämiğı yanında poliŝiya saqlawı astında Qor’än-i Kärimne yandırğan ide.
Türkiyä, Ğıyraq, Paqıstan, İndoneziya häm Äfğanstan belän ber rättän İslam illäre belän AQŞ häm Rusiyä dä aralarında bulğan küp sandağı däwlät waqıyğağa reakŝiya beldergän ide.