Ärdoğannıñ Berläşkän Ğaräp Ämirlekläre säfäre

Türkiyä (Төркия) İlbaşı Räcäp Tayyip Ärdoğan Farsı qultığı säfäreneñ soñğı tuqtalışı Berläşkän Ğaräp Ämirleklärendä Däwlät başlığı Şäyıx Möxämmäd Bin Zayäd Al Nahyan tarafınnan kiçä räsmi tantana belän qarşı alındı.

“Äl Watan” sarayındağı tantanadan soñ qara-qarşı küreşep söyläşkän Ärdoğan häm Al Nahyan wäkilleklärara söyläşülärne dä citäkläde.

Ärdoğan söyläşü waqıtında yasağan çığışında ike il arasında qul quyılaçaq urtaq kileşü tekstı belän mönäsäbätlärneñ strategik partnyorlıq däräcäsenä citäçägen belderde.

Ärdoğan, 25nçe-28nçe iyül’dä İstanbulda ütkäreläçäk IDEF (Aydef) Xalıqara saqlanu sänäğäte (сәнәгатe) yärminkäse belän bu xezmättäşlekneñ alğa baraçağın bilgeläp uzıp, Äbu-Dabi Xalıqara kitap yärminkäsenä “däräcäle qunaq” bularaq çaqırıludan bik şat buluın citkerde.

Ärdoğan, Äbu-Dabidä Törek mädäniyät üzägeneñ açılışın bıyıl yasap, bu xezmättäşlekne taclarğa teläwlären belderde.

Çığışlardan soñ Türkiyä (Төркия) häm Berläşkän Ğaräp Ämirlekläre arasında tuplam miqdarı 50 milliard 700 million dollar bulğan investiśiya, iq’tisad, sänäğät, saqlanu, xoquq, xökem çığaru, yañartıla alınğan ênergiya häm ğaläm industriyası ölkälärendä 13 kileşügä imza salındı.

Al Nahyan oçraşudan soñ İlbaşı Ärdoğanğa "Zayäd däwlät ordenı”n tapşırdı.

Ärdoğan häm Al Nahyan bıyıl Berläşkän Ğaräp Ämirleklärendä oyıştırılaçaq Berläşkän Millätlär Oyışması klimat üzgäreşläre konferenśiyası öçen maxsus äzerlängän beläzekne kiyıp räsemgä töşte.

Al Nahyan İlbaşı Ärdoğannı yuğarı däräcäle oçraşuğa çaqırdı.

Ärdoğan da Al Nahyanğa Türkiyäneñ (Төркиянeң) berençe cirle êlektrlı avtomobile “Togg”nı büläk itte.

“Äl Watan” sarayınnan "Pamukkalä ağı" tösendäge “Togg” belän xäräkät itkän häm maşinanı üze alıp barğan Al Nahyan Ärdoğan belän bergä Äbu-Dabi uramnarınnan yörep aldı.

Annan soñ İlbaşı Ärdoğannı qunaqxanägä ozatıp quyğan Al Nahyan biredän dä “Togg” maşinası belän kitte.