Ärdoğan Qatar Ämire Al Sani belän küreşte
Türkiyä İlbaşı Räcäp Tayyip Ärdoğan kiçä räsmi säfär qılğan Qatar başqalası Dohada Qatar Ämire Şäyıx Tämim bin Hamäd Al Sani belän oçraştı
Ärdoğan Qatar Ämire Şäyıx Tämim bin Hamäd Al Sani tarafınnan räsmi tantana belän qarşı alındı.
Tantanadan soñ ike il wäkilleklären täq’dim itüdän soñ Ärdoğan häm Al Sani qara-qarşı söyläşte.
Söyläşü aldınnan Ärdoğan Al Sanigä "Gämlik zäñgäre" tösendäge “Togg” êlektrlı maşinasın büläk itte, ike lider Lusail sarayınıñ işeğaldında berniqadär waqıt “Togg”nı qaradılar.
Ärdoğan qara-qarşı söyläşülär ütkärelgän binağa Al Sani alıp barğan “Togg” maşinası belän bardı.
İlbaşı Ärdoğan Qatar Ämire Al Sani tarafınnan xörmätenä oyıştırılğan räsmi kiçke aş mäclesendä dä qatnaştı.
Lusail sarayındağı aş mäclese matbuğatqa yabıq ütkärelde.
Ärdoğan annan soñ Qatardağı oçraşuların tögälläp, Farsı qultığınıñ soñğı tuqtalışı Berläşkän Ğaräp Ämirleklärenä kitte.
Şul uq waqıtta Qatar Ämire Şäyıx Tämim Ärdoğan säfäre belän bäyle bularaq “Twitter” akkauntınnan urtaqlaşqan yazmasında: "Qardäşem İlbaşı Räcäp Tayyip Ärdoğannı Dohada qunaq itüdän min bik şat buldım”, - dip äytte.
Şäyıx Tämim iq’tisadi xezmättäşlekne tağın da ömet birüçe forsatlarğa häm ofıqlarğa qawıştıru qısalarında ike qardäş xalıqnıñ urtaq mänfäğätlären tormışqa aşıraçaq räweştä oçraşuların iskärtep uzdı.
Qatar Ämire İlbaşı Ärdoğan belän töbäk häm dönya aldında torğan törle problemalarnı söyläşülärenä häm bolarnı çişü öçen xalıqara teläktäşlekneñ nığıtıluınıñ ähämiyätenä basım yasawların citkerde.
