“Tüntäreleş kereşüenä batırlarça qarşı torğan şähitlärebezne xörmät belän iskä alabız"
Paqıstan prem’yer-ministrı 15 nçe iyül’ - demokratiya häm milli berdämlek köne uñayınnan Twitter akkauntında belderü yasadı
Katar ämire Tämim bin Xamäd Äl Sani Türkiyä ilbaşı Räcäp Tayyip Ärdoğanğa 15 nçe iyül’ - demokratiya häm milli berdämlek köne uñayınnan täbriknamä cibärde.
Katar räsmi agentlığı “QNA” xäbärenä qarağanda, ämir Tämim 2016 nçı yılnıñ 15 nçe iyülendä bulğan uñışsız tüntäreleş kereşüeneñ 7 yıllğı uñayınnan qotlaw telegramması cibärde.
Paqıstan prem’yer-ministrı Şahbaz Şärif Twitter akkauntındağı yullamasında batır törek xalqınıñ fidakarlıqlarına basım yasap bolay dide: “Tüntäreleş kereşüenä batırlarça qarşı torğan şähitlärebezne xörmät häm räxmät xisläre belän iskä alabız. 2016 nçı yıldağı bu tarixi kön şulay uq ilbaşı Räcäp Tayyip Ärdoğannıñ dinamik citäkçelegenä nıqlı ışanıçnı kürsätä. Bu könneñ mäğ’näse – xalıqlar berdämlek, qardäşlek häm tirän bäyläneş köçe belän barlıq awırlıqlarnı ciñä ala”.
