15nçe iyül’ şähitläre cıyınnar belän iskä alındı

İlbaşı urınbasarı Cäwdät Yılmaz İlbaşı qolliyäteneñ qarşısında urnaşqan 15nçe iyül’ häykälenä çäçäk bäylämnären saldı.

Türkiyä Böyık Millät Mäclesendä dä 15nçe iyül’ Demokratiya häm milli berdämlek köne mönäsäbäte belän 15nçe iyül’ şähitlär häykäle yanında cıyın ütkärelde.

Cıyında Türkiyä Böyık Millät Mäclese Başlığı Numan Kurtulmuş häm İlbaşı urınbasarı Cäwdät Yılmaz 15nçe iyül’ şähitlär häykälenä çäçäk bäylämnären saldı.

Biredä çığış yasawçı Yılmaz, terror oyışması kadrlarına çik quyıluın, bilgelängän oyışma äğ’zaläreneñ däwlät oyışmalarınnan çitläşterelüen belderep:

"Yäş’lärebezne, kiläçägebezne häm iregebezne nişan itep alğan böten dairälärgä qarşı ber genä şähitebezneñ qanın da, ber genä ğazıybıznıñ (veteranıbıznıñ) üçen almıyça qaldırmadıq, qaldırmayaçaqbız. Xalıqara arenada da “FETÖ” belän ber rättän terror oyışmalarınıñ dezinformaśiyälärenä kiräkle cawapnı biräbez, diplomatik êlemtälärebezdä bu mäs’älädäge qızıql sızıqlarıbıznı här forsatta äñgämädäşlärebezgä citkeräbez. Härwaqıt äytkänebez kebek, “FETÖ” häm oxşaş qorılışlarnıñ (strukturalarnıñ) ağu qaytarğıçı – irekle fiker yörtüçe şäxeslär häm däwlät aqılı belän xäräkät itüçe bäysez citäkçeleklär”, - dip äytte.

Yılmaz, Anadolunıñ ğasırlardan sözelep bügenge köngä kilep citkän ziräklege belän bu xıyanätçe qorılışlarğa (strukturalarğa) qarşı zatlı totışın kürsätkän millätneñ äğ’zase buludan ğorurlanuın añlatıp, qabatlanmawı öçen xain tüntäreleş omtılışın onıtmawların häm onıttırmayaçaqların äytte.