Sammitnıñ Türkiyä öçen ähämiyätle näticäläre

Türkiyä ilbaşı apparatınıñ êlemtä idaräse citäkçese Fäxrettin Altun NATO sammitında ilbaşı Räcäp Tayyip Ärdoğannıñ böyek liderlıq kürsätüen belderde.

Altun sośial’ media akkauntında Litva başqalası Vil’nyusta oyıştırılğan NATO däwlät häm xökümät başlıqları sammitı belän bäyle yazma urtaqlaştı. Anda mondıy yullar bar: “İlbaşıbız da äytkän şikelle, NATOnıñ qurqınıçsızlığın arttıru tışında, sammitnıñ Türkiyä öçen iñ ähämiyätle näticäse – terrorçılıqqa qarşı köräş, Awrupa Berlegenä kerü prośessı, ilebezgä qarata sankśiyälärne beterü mäs’äläsendä yaña başlanğıçlarğa, kritik qararlar qabul itelügä säbäpçe buluı. İlbaşıbız liderlığında yasalaçaq adımnar belän qulğa kergän qazanışlarnı, inşallah, tağın da nığıtaçaqbız, ilebezneñ mänfäğat’lären, millätebezneñ xoquq häm xaqların här platformada köçle räweştä yaqlawnı däwam itäçäkbez”.