Ärdoğannıñ tığız diplomatiyası
Türkiyä İlbaşı Räcäp Tayyip Ärdoğan Litva başqalası Vilniusta (Vil’nyusta) oyıştırılğan NATO Däwlät häm xökümät başlıqları sammitında ike yaqlı söyläşülär ütkärä
İlbaşı idaräseneñ êlemtä räislegennän yasalğan belderügä kürä, Ärdoğan bügen NATO liderlar cıyılışınıñ berençe utırışında çığış yasayaçaq. Ärdoğan bügen ayıruça räsmi kiçke aş mäclesendä liderlar belän bergä bulaçaq.
İlbaşı Ärdoğan irtägä dä NATO liderlar cıyılışınıñ ikençe utırışı belän NATO-Ukraina komissiyası däwlät häm xökümät başlıqları cıyılışında qatnaşıp, qatnaşuçılarğa möräcäğät itäçäk.
Sammit qısalarında ike yaqlı söyläşülär dä ütkäräçäk Ärdoğan xäzergä qadär Franśiya Däwlät başlığı Êmmanuêl’ Makron, Angliya Baş ministrı Rişi Sunak häm Kanada Baş ministrı Castin Trüdo (Djastin Trudo) belän küreşep söyläşte. İlbaşı Ärdoğannıñ bügen ayıruça Germaniya Kanślerı Olaf Şol’ś häm Amerika Quşma Ştatları Prezidentı Djo Bayden belän oçraşuı planlaştırıla.
Ärdoğannıñ irtägä dä Greśiya Baş ministrı Kiryakos Miçotakis häm İtaliya Baş ministrı Giorgia Meloni belän ike yaqlı söyläşü ütkärüe, sammit tögällängännän soñ matbuğat oçraşuın oyıştıruı küzdä totıla.
