Türkiyä İzrailne ğayepläde

Türkiyä İzrail köçläreneñ Cenin şähärendä yasağan basqının ğayepläde.  Tışqı êşlär ministrlığı älege waqıyğa belän bäyle yazmaça belderü yasadı. Anda bolay diyelä: “İzrai köçläreneñ Yordannıñ basıp alınğan könbatış üzänlegendäge Cenin şähärendä yasağan basqının köçle räweştä ğayeplibez. Töbäktäge kiyerenkelekneñ älege höcümnär belän yaña köç qullanularnıñ köçäyüenä êtäräçäge öçen borçılabız, İzrail dairälären ayıq aqıllı bulırğa häm mondıy ğamällären tuqtatırğa çaqıruıbıznı yañartabız. Waqıyğalarda ğomerläre özelgän fälästinle qardäşlärebezgä - Allahtan yarlıqaw, yaralanuçılarğa – şifa telibez, Fälästin däwläte häm xalqınıñ qayğısın urtaqlaşabız”.

Kiçä İzrail köçläre Cenin şähärenä hawa höcüme häm basqın oyıştırdı, anda 5 fälästinleneñ ğomere özelde. Äl-Bir şähärendä dä İzrail ğaskäriye açqan utta 1 fälästinle başı yaralanıp ülde.