Türkiyä belän Misır diplomatik mönäsäbätläre ilçe däräcäsenä kütärelde

Türkiyä häm Misır tarafınnan yasalğan urtaq belderüdä Türkiyäneñ Qahirä tulı wäqalätle ilçese itep Salih Mutlu Şänne, Misırnıñ isä Änkara tulı wäqalätle ilçese bularaq Amr Älhamamyne namzät (kandidat) itep kürsätüe citkerelde.

Diplomatik mönäsäbätlärneñ kütärelüeneñ ike il Däwlät başlıqları qabul itkän qarar nigezendä tormışqa aşırıluına basım yasalğan belderüdä:

"Bu adım ike il arasındağı mönäsäbätlärneñ yañadan cayğa salınuın maqsat itä häm Türkiyä belän Misır xalıqlarınıñ mänfäğätlärenä yaraşlı räweştä ike yaqlı mönäsäbätlärneñ üsterelüe maqsatına yünälderelgän ike yaqlı ixtıyarnı çağıldıra,” – dip äytelde.