Швeциядa Коръәннeң яндырылуынa Төркиядән реакцияләр / Şveśiyada Qor’änneñ yandırıluına Türkiyädän reakśiyälär
“Şveśiyadağı Qor’än-ı Kärim provokaśiyasın läğ’nätlibez, xökem itäbez”
Türkiyä Tışqı êşlär ministrı Xaqan Fidan Şveśiyadağı Qor’än-ı Kärim provokaśiyasın xökem itte.
Fidan “Twitter” akkauntınnan urtaqlaşqan yazmasında: "Möbaräk Qorban bäyrämeneñ berençe könendä izge kitabıbız Qor’än-ı Kärimgä qarata Şveśiyädä yasalğan cirängeç ğamälne läğnätlim! İslamğa qarşı şuşı ğamällärgä süz irege sıltawı belän röxsät birelüe qabul itelmäslek. Mondıy cirängeç ğamällärgä irek quyu cinayät’tä qatnaşu dimäk”, - dip belderde.
“Ğadellek häm üseş” partiyası Ğomum başlığı urınbasarı häm süzçese Ömär Çälik tä sośial’ media akkauntınnan yasağan belderüendä bolay dip bilgeläp uzdı:
"Şveśiya xakimiyäteneñ Qorban bäyräme könendä mäçet aldında Qor’än-ı Kärimne yandıru öçen yasalğan möräcäğätne raslawın läğ’nätlibez. Şveśiya yuğarı mäxkämäseneñ näfrät cinayät’lärenä qarata ximayäçel totışın kisken räweştä gäyıplibez. Monna alda da äytep ütkänebezçä, Qor’än-ı Kärimgä qarşı yasalğan här xörmätsezlek keşelek gäyıbe. Şuşı läğ’nätle ğamällärgä qarşı säyäsi häm xoquqi här nigezdä iñ köçle köräşebezne däwam itäçäkbez."
Şveśiya başqalası Stokgol’mda çığışı belän İrannan bulğan Salwan Momika Stokgol’m mäçete aldında poliśiyanıñ saqlawı astında Qor’änne yandırğan ide.
