Ärdoğan Greśiyä xökümäte räisen qotladı

Türkiyä ilbaşı Räcäp Tayyip Ärdoğan Greśiyä xökümäte räise Kir’yakos Miśotakisnı ğomumi saylawlarda uñışqa ireşüe belän qotladı. İke lider telefon aşa söyläśte.

İlbaşı apparatınıñ êlemtä idaräsennän yasalğan belderügä qarağanda, Ärdoğan Miśotakisnıñ saylawdağı uñışınıñ Türkiyä-Greśiya mönäsäbätläre nisbätennän xäyerle bulu ömetlären dä citkerde. Söyläşüdä ike ildä dä xalqınıñ ışanıçın yañartqan köçle xökümätlärneñ xakimiyättä buluınıñ ikeyaqlı êlemtälärneñ kiläçäge nisbätennän forsat ikänlege äytelde.

Greśiyä xökümät yortınnan älege söyläşü turında yasalğan belderüdä isä: “Xökümät räise Miśotakis häm Türkiyä ilbaşı Ärdoğan 11nçe-12nçe iyül’dä Litvanıñ Vil’nyus şähärendä uzaçaq NATO sammitında oçraşırğa qarar qıldı”diyelä.