Ärdoğan - Al Nahyan oçraşuı
Oçraşu İstanbulda uzdı
Türkiyä ilbaşı Räcäp Tayyip Ärdoğan İstanbulda Berläşkän Ğaräp Ämirlekläre däwlät başlığı Möxämmäd bin Zayid Al Nahyan belän oçraştı.
Ärdoğan anı Atatörek hawa mäydanında qarşı aldı.
Alar qarşı alu tantanası waqıtında Türkiyäneñ berençe cirle häm milli avtomobile “TOGG”nı qaradılar.
Annarı ike il däwlät başlığı Atatörek hawa mäydanındağı Däwlät qunaq yortında matbuğatqa yabıq oçraşu ütkärdelär.
Al Nahyan üzeneñ Twitter akkauntında oçraşu xaqında bolay dip yazdı:”Min İstanbulda Türkiyä ilbaşı Räcäp Tayyip Ärdoğan belän oçraşuıma bik şat. Bez ike ilneñ strategik mönäsäbätlären nığıtu, iq’tisadıy partnyerlıqnı alğa cibärü turında söyläştek. Berläşkän Ğaräp Ämirlekläre töbäktä häm dön’yada tınıçlıq, mullıq öçen dusları belän xezmättäşlekne tiränäytergä tırışa”.
