İlbaşı Hindıstannıñ qayğısın urtaqlaştı

Türkiyä ilbaşı Räcäp Tayyip Ärdoğan Hindıstandağı poyezd hälakätenä bäyle ilneñ qayğısın urtaqlaştı.

“Hindıstannıñ Odişa ştatında bulğan poyezd hälakätendä ğomeren yuğaltuçılarnıñ ğailäläreneñ, Hindıstan xalqı häm xökümäteneñ üz häm xalqım isemennän qayğısın urtaqlaşam, cäräxätlär alğan keşelärneñ tiz arada sälamätlänüen telim. Bez Türkiyä bularaq yärdäm öçen Hindıstannıñ yanında” diyelä ilbaşı Ärdoğannıñ sośial’ media akkauntındağı belderüendä.

İsegezgä töşeräbez: 2 nçe iyün’dä Hindıstannıñ Odişa ştatında ike yulçı häm ber yök poyezdı qatnaşındağı qazada 294 keşeneñ ğomere özelgän ,1000 nän artıq keşe yaralanğan ide.