Türkiyä - saylawda qatnaşu küläme yağınnan öçençe urında

Yuğarı saylaw şurası mäğ’lümatlärenä kürä, 14nçe maydağı ilbaşı häm ğomum saylawlarda Türkiyä külämendä qatnaşu küläme 88,92%, 28nçe maydağı ilbaşı saylawınıñ ikençe turında da bu küläm 85,72% bulğan.

Türkiyä 14nçe maydağı saylawlarda ildäge saylawçılarnıñ qatnaşu küläme belän OECD äğ’zase illär arasında 3nçe urın aldı.

OECD belän İDEA Xalıqara demokratiya häm saylawlarğa bulışlıq itü institutı mäğ’lümatlärenä kürä, Türkiyä 14nçe maydağı ildäge saylawçılarnıñ qatnaşu küläme belän Amerika Quşma Ştatları, Franśiya, Germaniya, Angliya kebek OECDneñ bik küp könbatışlı äğ’zasen artta qaldırdı.

IDEA mäğ’lümatlärenä kürä, 2022nçe yılda ütkärelgän saylawlarda 89,74% qatnaşu küläme belän Awstraliya OECD äğ’zase illär arasında berençe urında.

Awstraliyadan soñ 2018nçe yıldağı saylawlarda 89,66% qatnaşu küläme belän Lyuksemburg tora. Bel’giya da 2019nçı yılda uzdırılğan saylawlardağı 88,38% qatnaşu küläme belän Türkiyädän soñ kilä.

İsemlektä Türkiyädän artta qalğan Şveśiya, Daniya, Yaña Zelandiya, İslandiya, Niderland häm Norvegiyada saylawlarda qatnaşu küläme yaqınça 80%ta qaldı.

Xalıq sanı yağınnan Türkiyä belän çağıştırıla alınğan Germaniya isä isemlektä 76,58% qatnaşu küläme belän 11nçe urında tora.

İsemlektä Germaniyadan soñ 75,69% qatnaşu küläme belän Awstriya, 73,59% belän Franśiya häm 71,76% belän İspaniya kilä.

OECD äğ’zaläre arasında saylawlarda qatnaşu iñ tübän bulğan il bularaq iğ’tibarnı cälep itüçe Şveyśariyada 2019nçı yılda ütkärelgän saylawda qatnaşu küläme 45,12%ta qalğan.