Bayden häm Putin Ärdoğanğa şaltırattılar

Amerika Quşma Ştatları ilbaşı Djo Bayden Türkiyä ilbaşı Räcäp Tayyip Ärdoğanğa telefonnan şaltıratıp anı qabat saylanuı belän qotladı.

Türkiyä ilbaşı idaräseneñ êlemtä bülege belderüenä qarağanda, AQŞ ilbaşı saylaw näticäläreneñ törek xalqı öçen faydalı buluın teläde.

İke lider yaña çorda ike il arasında barlıq mäs’älälär buyınça xezmättäşlekne yaxşırtırğa kileştelär.

Rusiya Federaśiyäse däwlät başlığı Vladimir Putin Ärdoğanğa şaltıratıp saylawda ciñüe belän täbrik itte, saylaw näticäläreneñ il xalqı öçen faydalı buluın teläde.

Putin häm Ärdoğan yaña çorda Türkiyä -Rusiya mönäsäbätlärendä häm regional’ mäs’älälärdä xezmättäşlekne üsterergä kileştelär.