“Türkiyä - yañartıla alınğan ênergiyada Awrupada bişençe il”

İskeşähär-Änkara avtoyulı buyında salınğan "Qaldıqlarnı torğızu urmanı”nda ağaç utırtu tantanasında qatnaşqan Dönmäz biredä yasağan çığışında İlbaşı Räcäp Tayyip Ärdoğannıñ xäläl cefete Äminä Ärdoğannıñ ximayäsendä alıp barılğan "Qaldıqsız tormış” proyıktınıñ dönyada iğ’tibar üzägendä bulğan ürnäk êkologiya proyıktlarınnan berse buluın iskärtep uzdı.

Atmosferağa çığarılğan här êmissiyadan dönyada yäşäwçe 8 milliard keşeneñ täêsirlänüen añlatuçı Dönmäz xäzerge waqıttağı uglerod gazı çığarunıñ zur öleşeneñ ênergetika tarmağınnan kilüenä işarät itte.

Türkiyädä yañartıla alınğan ênergiya öleşeneñ arttırıluınıñ zarurlığın belderüçe Dönmäz:

"Nigezdä bez bik yaxşı däräcädä. Awrupada 5nçe, dönyada 12nçe urında. Xäzerge waqıtta küät köçebezneñ 55% yañartıla alınğan ênergiya çığanaqlarınnan täêmin itelä. 105 meñ megawatqa citte. Monıñ 55 meñ megawatı cil, qoyaş, su, biomassa, geotermal’ kebek çığanaqlardan täêmin itelä,” – dide.