Çit illärdä tawış birü başlandı
73 däwlättäge 156 wäkillektä häm tamğaxanälärdä tawış birergä mömkin
Türkiyädä 28nçe mayda uzaçaq ilbaşı saylawınıñ 2nçe turı qısalarında çit ildä terkälgän watandaşlarnıñ tawış birüe başlandı. 73 däwlättäge 156 wäkillektä häm tamğaxanälärdä tawış birergä mömkin. Çit illärdä tulayım 3 meñ 461 ärcä quyıldı. 24nçe mayda wäkilleklärdä tawış birü tögällänäçäk.
Çik buyı qapqalarında isä 28nçe may kiçke säğat’ 5kä qadär tawış birergä mömkin.
Berençe tur uzğannan soñ 18 yäşen tutıruçılar da ikençe turda tawış birä ala.
Yaponiyädä başqala Tokio häm Nagoya şähärendä, Azärbaycanda Türkiyäneñ Baqı ilçelege belän Naxçivan häm Gänçä konsullıqlarında, Litva başqalası Vil’nyusta, Qırğızstanda Bişkäk ilçelegendä, Qazaqstanda Astana ilçelege belän Almata häm Aqtaw konsullıqlarında, Törekmänstanda Aşxabad ilçelegendä quyılğan ärcälärdä bügen tawış birü başlandı.
Yaponiya, Litva häm Qırğızstanda tawış birü 21nçe mayğa qadär, Azärbaycan, Qazaqstan häm Törekmänstanda isä 22nçe may kiçenä qadär däwam itäçäk.
