Saylaw näticäläre dön'ya matbuğatında

Türkiyädä ilbaşı häm xalıq ışanıçlıların saylawnı böten dön’ya qızıqsınıp küzätte.

Xalıqara xäbär agentlıqları waqıyğalarnı minutın minutqa citkerep bardı. Xäbärlärdä saylawda qatnaşu däräcäseneñ dä yuğarı bulyuına iğ’tibar cälep itelde.

Angliyä matbuğat çarası “SkyNews” ärcälärneñ 97%ınıñ sanaluın, ilbaşı känäfiyenä yarışta Räcäp Tayyip Ärdoğannıñ 49,39% tawış belän alda baruın yaza.

BBC kanalı ilbaşı Ärdoğannıñ başqala Änkaradağı çığışında ikençe tur saylawlarğa äzer buluların, şulay da ciñä alaçaqlarına ışanuların söyläwen citkerde.

“Reyters” xäbär agentlığı tawışlarnı sanawnıñ däwam itüen, saylawda ike kandidatnıñ da 50%lıq bar’yernı älegä ütmäwen belderde.

“Assoşeyted Press” xäbär agentlığı da Ärdoğannıñ saylawlar ikençe tuğra qalğan oçraqta, ilneñ qararın xörmät itäçäklären söyläwen citkerä.

“ France 24” matbuğat çarası uquçılarına saylawnıñ ikençe tuğra qaluı mömkinlegeneñ zur buluın xäbär itte.

Katarnıñ “Al Jazeera” kanalı “Berençel tawış näticäläre Ärdoğannıñ köndäşennän alda baruın kürsätä” dide.

Amerikanıñ “The New York Times” gazetı 5 million yäş’ saylawçınıñ täwge tapqır tawış birüenä basım yasadı. Matbuğat organı Ärdoğan häm Kılıçdaroğlunıñ ikençe tur belderülären urtaqlaştı.

 İtaliyäneñ ANSA xäbär agentlığı saylawda qatnaşu däräcäseneñ yuğarı buluına iğ’tibarnı cälep itte.

“Middle East Eye” gazetı isä saylalarnıñ ikençe tuğra qaluı kötelüe turında yazdı.

“The Guardian” gazetı Ärdoğannıñ: “Saylaw näticäläre älegä yasalmadı, tik bu millätebezneñ bezneñ tarafta buluı çınbarlığın üzgärtmi” digän süzlären urtaqlaştı.

Şveśiyäneñ “Dagens Nyheter” gazetı da saylawda qatnaşu kürsätkeçläreneñ rekord däräcädä yuğarı buluına basım yasadı.

Greśiyäneñ “Kathimerini” gazetı ilbaşına kandidatlarnıñ 50%lıq bar’yernı uza almawı oçrağında 28nçe mayda ikençe tur bulaçağı turında yaza.

Qıtaynıñ “Şinxua” xäbär agentlığı “Türkiyäneñ ilbaşı saylawınıñ ikençe tuğra qaluı ixtimal” dip yazdı. İlneñ däwlät telekanalı CCTV tawış birüdä Ärdoğannıñ, köndäşe Kämal Kılıçdaroğluna qarağanda, östenlek täêmin itüen assızıqladı.

Gonkongta çığuçı “South China Morning Post” gazetı Türkiyäneñ tarixi ikençe turğa äzerlänüen citkerä.

Yaponiyä däwlät telekanalı NHKnıñ internet säxifäsendäge xäbärendä ike lidernıñ 28nçe mayda qabat yarışaçağı äytelä.