Fuat Oktay Angliya patşasınıñ tac kiyü tantanasında qatnaştı
Ul xatını Xümeyra Şaxin Oktay belän çarada Türkiyäne wäkillek itte
Türkiyä ilbaşı urınbasarı Fuat Oktay häm xatını Xümeyra Şaxin Oktay kiçä Angliya patşası Çarl’z Öçençeneñ tac kiyü tantanasında qatnaştı. Alar Londonnıñ Vestminster abbatlığı çirkäwendä uzğan çarada Türkiyä wäkilläre bularaq urın aldı.
Fuat Oktay sośial’ media akkauntında bu xaqta bolay dip yazdı: “Böyekbritaniya patşası Çarl’z Öçençeneñ tac kiyü tantanasında qatnaştıq. Patşa Çarl’z Öçençe, patşa ğailäse, Böyekbritaniya xalqı häm xökümätenä täbrikläremne citkeräm, yaña çorda Türkiyä belän Böyekbritaniyä mönäsäbätläreneñ tağın da köçäyäçägenä ışanam”.
Çarl’z Öçençeneñ kiçä uzğan tac kiyü tantanasında, patşa ğailäse äğ’zalarınnan tış, dön’yanıñ här poçmağınnan däwlät başlıqları, tanılğan şäxeslär häm xäyriyä oyışmaları wäkillären kertep 2 meñ 200dän artıq çaqırulı qunaq qatnaştı.
