Şäntop: "Awrupa Berlege çınbarlıqqa turı kilgän qararlar qabul itärgä tiyış”

Şäntopnıñ Awrupa Berlege parlament başlıqları sammitında qatnaşu öçen kitkän Çexiya başqalası Prahadağı oçraşu matbuğatqa yabıq işeklär artında ütkärelde.

Oçraşu waqıtında Rusiyä-Ukraina suğışı, Finlyandiya belän Şveśiyanıñ NATO äğ’zalege häm Awrupa Berlegeneñ kiñäyü säyäsäte quzğatıldı.

Şäntop kritik çaqlarda qabul iteläçäk qararlarnıñ möhim buluına, Awrupa Berlegeneñ töbäktä häm dönyada yäşängän täräqqıyätlär mäs’äläsendä reakśiya kürsätüdä ikelänep xäräkät itüenä häm soñğa qaluına basım yasadı.

Moldova häm Ukrainanıñ Awrupa Berlege äğ’zalege barışı belän bäyle adımnıñ aldanraq yasala alınun belderüçe Şäntop Balkannıñ Awrupa Berlege äğ’zalege öçen dä waqıtında häm êffektiv qararlar qabul itelä alınmawın iskärtep uzdı.

Şäntop: "Awrupa Berlege tağın da tiz, tağın da effektiv, ämma çınbarlıqqa turı kilgän qararlar qabul itärgä tiyış. Türkiyä belän mönäsäbätlär dä iñ möhim ürnäk bu cähättän. Awrupa Berlegeneñ Türkiyä belän mönäsäbätläre strategik qararlar, bu mäs’älälärneñ Kön’yaq Kipr grek citäkçelegeneñ yäki Greśiyanıñ qayber tar qaraşlı perspektivalarına indeksaśiyälänep qorban itelüe zur xata,” – dip bäyäläw yasadı.

Türkiyäneñ Ukrainadağı suğışnıñ tiz arada beterelüen teläwen citkerüçe Şäntop: "İñ tiz waqıtta ğadel, Ukraina qabul itäçäk tınıçlıq urnaştırılırğa tiyış. Bez monıñ öçen omtılışıbıznı däwam itäbez,” – dide.

Şveśiyanıñ NATO äğ’zalege mäs’äläsenä dä tuqtalıp uzuçı Şäntop, Türkiyä taläbeneñ bik anıq buluına basım yasap:

"Türkiyäneñ taläbe – üz iminlegenä yanawçı “PKK/PYD” terror oyışmalarınıñ berlektäş bulırğa teläwçe illär tarafınnan xuplanmawı. Bu barışta Şveśiyadan konkret adımnar yasawın kötäbez, anıq, tögäl adımnarnı kürergä telibez,” – dip äytte.