3 köndä 18 terrorçı täêsirsez xälgä kiterelde

Türkiyä milli saqlanu ministrı Xulusi Akar törek ğaskärläreneñ axırğı 3 köndä Ğıyraq häm Süriyäneñ tön’yağında 18 terrorçını täêsirsez xälgä kiterüen belderde. Ul Kayserida yasağan çığışında Törek qorallı köçläreneñ cömhüriyät tarixındağı iñ külämle operaśiyälär tormışqa aşıruın belderep: “Terrorçı oyışmadan qaçuçılar küp. Terrorçılar ber yaqqa, oyışma ülä. İnşallah, betäçäklär,”-dide.

Akar törek ğaskäriläreneñ watandaşlarnıñ iminlege öçen kiräk bulğannıñ barısın da êşläwlären assızıqladı. “Artlarında kem bulsa – bulsın, alarğa kem qoral, suğış kiräk-yarağı, boralaq birsä-birsen, bezneñ alar belän köräşebez betmäyäçäk, iñ axırğı terrorçı täêsirsez xälgä kiterelgänçe köräşäçäkbez,”-dide ministr.

Akar törek ğaskärläreneñ terrorçılar kerä almaslıq dip uylağan urınnarğa kerüen, terrorçı oyaların cimerüen äytte. Ul 2015nçe yılnıñ 24nçe iyünennän bügengä qadär tulayım 37 meñ 756 terrorçınıñ täêsirsez xälgä kiterelüen xäbär itte.