Ärdoğan axırğı atnalardağı waqıyğalar turında urtaqlaştı

Türkiyä ilbaşı Räcäp Tayyip Ärdoğan barı axırğı berniçä atnada ğına da ilgä millätneñ ğorurlığı bulırday bik küp êşçänlek, reforma häm investiśiyä kiterülären belderde.

Ul sośial’ mediadağı yazmasında “Tuqtap toru yuq, yulnı däwam itärgä” diyep  bolarnı citkerde: “İstanbul Bağcılarda 3 milliard 412 million liralıq 97 proyektnı qullanılışqa tapşırdıq. Milli höcüm oçqıçı belän Hürjetnı angardan çığardıq. İstanbuldağı Başakşähir Çam häm Sakura şähär xastaxanäse - Kayaşähir metro êlemtäsen açtıq. Keşesez xärbi oçqıç Qızılalmanıñ oçış biyeklege testların uzdırdıq. Layıqlı yağla çığu öçen yäş’ tuluın kötkän 2 million 250 meñ keşeneñ taläben qanäğat’länderdek. Balıkesirdäge Bor karbidı çığaru ob’yektın qullanılışqa aldıq. İñ tübän pensiyäne 7 meñ 500gä, bäyräm östämäsen – 2 meñ lirağa arttırdıq. 60 yıllıq xıyalıbız bulğan Toggnı yullarğa ozattıq. Türkiyäne Farsı qultığı belän bäyli torğan Üseş yulınıñ imzasın Ğıyraq xökümäte räise belän bergä quydıq. Cir teträw bulğan töbäklärgä bardıq, bügengä qadär 78 meñ toraq häm awıl öyeneñ tözeleş prośessın başladıq”.