Çavuşoğlunıñ telefon diplomatiyäse
Türkiyä tışqı êşlär ministrı qazaqstanlı, senegallı häm katarlı wazıyfadaşları belän söyläşte
1971747
Türkiyä tışqı êşlär ministrı Mäwlet Çavuşoğlu Qazaqstanlı wazıyfadaşı Murat Nurtileu, Senegallı wazıyfadaşı Aissata Tall Sall häm Katar xökümäte räise häm tışqı êşlär ministrı Möxämmät bin Abdurraxman Al Sani belän ayırım-ayırım telefonnan söyläşte.
Ministrlıqtan belderülärençä, Çavuşoğlu Qazaqstan tışqı êşlär ministrı häm viśe-prem’yer Nurtileunı wazıyfasına kereşüe belän qotladı. Ul, şulay uq, Türkiyädä 6nçı fevral’dä bulğan cir teträwlärdän soñ Qazaqstannıñ kürsätlän yärdäme häm teläktäşlege öçen räxmät äytte.
Çavuşoğlu senegallı häm qazaq wazıyfadaşları belän ikeyaqlı mönäsäbätlär turında da söyläşte. Katar xökümät räise häm tışqı êşlär ministrı Al Sani belän äñgämädä isä Fälästin häm Äfğanstan temaları kütärelde.